Իտալիայի վարչապետ Սիլվիո Բեռլուսկոնիի սկանդալային գործով անցնող Ռուբի մականունով մարոկկացի պարուհի Քարիմա Ալ-Մարուղը հայտարարել է, որ ինքը հղի է: Այս մասին հաղորդում է France Presse գործակալությունը՝ հղում անելով իտալական Chi ամսագրին:
Երեխայի հայրն է Ռուբիի ընկեր Լուկա Ռիցցոն. «Մեր երեխան կծնվի Իտալիայում: Այնուհետև մենք կամուսնանանք և կմեկնենք արտասահման ապրելու»,- ասել է 18-ամյա պարուհին:
Հիշեցնենք, որ ըստ իտալական ոստիկանության՝ Ռուբին անչափահաս տարիքում մասնակցել է վարչապետ Բեռլուսկոնիի առանձնատանը տեղի ունեցող խնջույքներին և սեռական հարաբերությունների մեջ մտել ներկաների, մասնավորապես՝ Բեռլուսկոնիի հետ: Եթե վարչապետը մեղավոր ճանաչվի, նրան սպառնում է մինչև 12 տարվա ազատազրկում:
