Մայիսին Ժնևում աճուրդի կդրվեն միանգամից մի քանի հազվագյուտ ադամանդներ: Ինչպես հայտնում է աճուրդի կազմակերպիչ Sotheby’s աճուրդի տունը՝ դրանց թվում է պատմական «Հաղթանակ ադամանդը» (Victory Diamond)՝ հայտնում է ITAR-TASS-ը:
31.34 կարատանոց թանկարժեք քարն իր անվանումն ստացել է ի պատիվ Երկրորդ համաշխարհային պատերազմում դաշնակիցների վերջնական հաղթանակի, այսինքն՝ նույն տարում, երբ Սիեռա-Լեոնեում գտնվել է 770 կարատանոց Woyie River ադամանդը, որից հետագայում պատրաստվել է 30 ադամանդ, որոնցից ամենախոշորը «Հաղթանակն» է:
Աճուրդի տունը հայտնում է, որ ադամանդը գնահատվում է 4.9-8 մլն դոլար:
Աճուրդի կդրվի նաև Լոուրենս Գրաֆի
ոսկերչական տան Graff Vivid Yellow ադամանդը՝ 100.09 կարատ քաշով: Այն գնահատվել է 14.9-25 մլն դոլար:
Լոուրենս Գրաֆի ոսկերչական տան ևս մեկ ադամանդ՝ 103.46 կարատանոց մատանին, գնահատվում է 3.5-4.9 մլն դոլար:
