Սիրիայի նախագահ Բաշար Ասադը խնդրել է իրեն չհամեմատել Ուկրաինայի նախագահ Վիկտոր Յանուկովիչի հետ: Այս մասին, ինչպես հաղորդում է ITAR-TASS-ը, մամլո ասուլիսի ժամանակ հայտարարել է Կայսերական ուղղափառ պաղեստինյան հասարակության նախագահ Սերգեյ Ստեպաշինը Դամասկոս կատարած իր այցի և Ասադի հետ հանդիպման արդյունքներով:
Նրա խոսքով՝ Ասադը խնդրել է փոխանցել, որ ինքը Յանուկովիչը չէ:
«Ես տեղեկացրել եմ Ռուաստանի կառավարությանը, որ պետք է վերականգնել միջկառավարական հանձնաժողովը: Ասադը գտնվում է հիանալի մարզավիճակում: Նա կասկածի որևէ նշույլ չունի նրանում, ինչ անում է: Նա խնդրել է փոխանցել Ռուսաստանի նախագահ Վլադիմիր Պուտինին՝ «Ես Յանուկովիչ չեմ»,- ասել է Ստեպաշինը:
«(Դամասկոսում) անվտանգության միջոցառումներ են ձեռնարկված, դրված են անցակետեր: Ասադի թիմի ներսում թշնամիներ չկան, նրա հարազատները ոչ թե դեղերի առևտուր են անում, այլ կռվում, և բնակչությունն այդ մասին գիտի»,- ասել է Ստեպաշինը:
