Թուրքմենստանում Իտալիայի դեսպանին, որն արձակուրդներին եղել է Ֆիլիպիններում, բռնեցրել են երեխաների առևտրի մեջ:
Դանիելե Բոզիոյին ձերբակալել էին անցած հանգստյան օրերին ֆիլիպինյան առողջարաններից մեկում՝ 9-12 տարեկան երեք տղաների հետ: Այս մասին հայտնում է Associated Press-ը:
Ոստիկանությունը 46-ամյա դեսպանին ձերբակալել է այն բանից հետո, երբ երեխաների իրավունքների պաշտպանության տեղի Bahay Tuluyan կազմակերպության ակտիվիստներն ինչ-որ բան են կասկածել և այդ մասին հայտնել իշխանություններին:
Reuters գործակալությունը, հղում անելով Իտալիայի ԱԳՆ հայտարարությանը, հայտնում է, որ Բոզիոն կասկածվում է երեխաների պաշտպանությանն ուղղված օրենքների խախտման համար:
Գերատեսչության ներկայացուցչի խոսքով՝ դիվանագետը հերքում է բոլոր մեղադրանքները: Ներկայացուցիչը նաև հավելել է, որ Ֆիլիպիններում Իտալիայի դեսպանատունը տեղեկացված է տեղի ունեցածի մասին:
