Ամերիկացի դերասան Միկի Ռունին, ով երկու անգամ արժանացել է «Օսկարի» կինեմատոգրաֆիայում ունեցած իր ներդրման համար, 93 տարեկանում մահացել է: Այս մասին հայտնում է TMZ-ը:
Մահվան պատճառների մասին չի հաղորդվում:
Ռունին (իրական անունը՝ Ջոզեֆ-Յուլ կրտսեր) մեծ ճանաչում է ձեռք բերել դեռևս մինչ Երկրորդ աշխարհամարտը: Պատերազմից հետո նա շարունակել է կարիերան: Նրա ամենահայտնի աշխատանքների շարքում են «Ազգային թավիշ» (National Velvet) ֆիլմը, որում նա խաղացել է Էլիզաբեթ Թեյլորի հետ, «Նախաճաշ Տիֆանիի մոտ» (Breakfast at Tiffany’s), «Այս խելահեղ, խելահեղ, խելահեղ, խելահեղ աշխարհը» (It’s a Mad, Mad, Mad, Mad World), «Գիշերը թանգարանում» (Night at the Museum) կինոնկարները:
Նա 4 անգամ առաջադրվել է «Օսկարի», այն նվաճել երկու անգամ՝ 1939-ին և 1983-ին:
Ռունին Գինեսի ռեկորդների գրքում գրանցված է որպես ամենաերկար դերասանական կարիերա ունեցող կինոգործիչ: Նա 1927-2012թթ. նկարահանվել է ավելի քան 90 աշխատանքներում: