Մարտի 31-ին Մոսկվայում մեկնարկած Mercedes-Benz նորաձևության շաբաթի ժամանակ տեղի են ունեցել սահմանափակ հնարավորություններով մարդկանց մասնակությամբ ցուցադրություններ: Դրան մասնակցել են Դաունի հիվանդությամբ մարդիկ, ինչպես նաև կույրեր և հաշմանդամի սայլակից օգտվողներ:
Այդ ցուցադրությունները Bezgraniz Couture նախագծի մասն են կազմում, որը ստեղծվել է դեռևս 2010-ին` ճարտարապետ, մշակութաբան և սոցիալական ձեռնարկատեր Յանինա Ուրուսովայի կողմից:
Յանինայի խոսքերով` նման մարդկանց կյանքը ոչնչով չի տարբերվում մյուսներից: Չկան հաշմանդամներ, կան տարբեր հատկություններով և պահանջներով մարդիկ, որոնց ևս պետք է սովորել, հագնվել, աշխատել, երեխաներ ունենալ և այլն:
