Ավտոմոբիլային և ջրածնային վառելանյութ արտադրողները Լոնդոնում համաձայնագիր են ստորագրել ջրածնային վառելանյութի տարրերով սնուցվող տրանսպորտային միջոցների տեխնոլոգիաների և ինֆրակառույցների համատեղ զարգացման վերաբերյալ: HyFIVE (Hydrogen For Innovative Vehicles) նախագիծը Եվրոպայում նմանատիպ ամենախոշոր նախագիծն է և ենթադրում է 31 մլն ֆունտ (38.4 մլն եվրո) ներդրում, հաղորդում է Vedomosti-ն:
Նախագիծը ղեկավարում է Մեծ Լոնդոնի վարչակազմը: Գործընկերներն են BMW, Daimler, Honda, Hundai, և Toyota ավտոարտադրողները, ինչպես նաև գազ արդյունահանող ընկերությունները`Air Products-ը, Copenhagen Hydrogen Network-ը, ITM Power-ը, Linde-ն, BMP-ն և էներգետիկ խորհրդակցության գործակալությունը:
Նախագիծը ֆինանսավորվում է գիտական հետազոտությունների աջակցության պետական-մասնավոր գործընկերությամբ և Fuel Cells and Hydrogen joint Undertaking-ի կողմից` Եվրահանձնաժողովի մասնակցությամբ:
