63-ամյա Ֆելիքս Ս.-ն, որը քսան տարի աշխատել է որպես կռունկավար, պատրաստվում է լքել Հայաստանը: «Առաջին լրատվական»-ի հետ զրույցում նա նշեց, որ Հայաստանից հեռանում է գուցե երկար ժամանակով, բայց անպայման վերադարձի հույսով ու սպասումով:
Կռունկավարը, որը հաշմանդամության կարգ ունի և պիտի օգտվի արտոնություններից, չի օգտվել դրանցից, փոխարենը կառավարությունն ընդամենը մի քանի հազար դրամ գումար է տվել` իբրև փոխհատուցում այդ արտոնությունների:
«Երկրորդ կարգի հաշմանդամ եմ՝ Չեռնոբիլի մասնակից (լիկվիդատոր է եղել-հեղ.), հայրենականին հավասարացված է: Չորս տարի առաջ տվել են էս կտրոնները, էսօր ոչ մի բան չկա: «Արմավիա» ավիաուղիները դուրս են եկել, սնանկացել»,- ասաց նա` հավելելով, որ դրա հետևանքով տուժում են ոչ միայն ավիաընկերության՝ աշխատավարձ չստացած աշխատակիցները, այլև իրենք` նման արտոնություններ ունեցողները:
Կտրոնները սոցապնախարարության կողմից են տրված, դրանցով իրավունք է տրվում երթևեկել ՀՀ-ից դուրս և հակառակը, սակայն արտոնություններից օգտվել չեն կարողանում: «Էս չորս տարվա մեջ ոչ մի բան չի եղել, գնացել եմ մենակ, հետադարձին իմ ֆինանսներով եմ եկել, սպասում եմ, որ պատասխանը գա, չգիտեմ` ինչ կլինի: Սրանք հավասարեցված էին հայրենականի նպաստներին, դրանք հանեցին, 4000 դրամ փոխհատուցում տվեցին ու վերջ: Մենք ոչ մի բանից չենք օգտվում էսօր, ոնց որ սովորական առողջ մարդիկ, էդպես էլ մենք»,- ասաց նա:
Ժամանակին 4000 դրամով կառավարությունը որոշել է փոխհատուցել տան վարձը, գազի, հոսանքի, լույսի ծախսերը. ժամանակին այդ կտրոններն ստացող մարդիկ կոմունալ ծախսերը վճարում էին օգտագործածի 50 տոկոսի չափով:
Մանրամասները` տեսանյութում:
