Պրինսթոնի համալսարանի «Գիտություն և գլոբալ անվտանգություն» նախագծի գիտնականները ստեղծել են Հյուսիսատլանտյան դաշինքի (ՆԱՏՕ) և Ռուսաստանի միջև հավանական «սահմանափակ» միջուկային բախման հետևանքների մոդելը: Տեսանյութը հրապարակվել է նախագծի մենեջերներից մեկի՝ Ալեքս Գլեզերի YouTube ալիքով:
Տեսանյութը ստեղծելու համար օգտագործվել են միջուկային զենքի, հակամարտության երկու կողմերում դրանց պաշարների, ինչպես նաև յուրաքանչյուր հատուկ հրթիռի հնարավոր թիրախների մասին ընդհանուր տեղեկությունները:
Ցուցադրված սցենարի համաձայն՝ Ռուսաստանը հարվածներ է հասցնում Լեհաստանի և Գերմանիայի սահմանամերձ շրջաններին՝ փորձելով սահմանափակել Դաշինքի ուժերը Կենտրոնական և Արևելյան Եվրոպայի տարածաշրջանում, և ի պատասխան՝ ՆԱՏՕ-ն միջուկային զենք է օգտագործում Կալինինգրադի մարզում:
«Տեղային» հակամարտության արդյունքում, գիտնականների կարծիքով, առաջին ժամերի ընթացքում մոտ 91,5 միլիոն մարդ կմահանա: