Այսօր՝ սեպտեմբերի 13-ին, Ազգային ժողովում շարունակվում են աշխատանքները: Այժմ քննարկվում է Ազգային անվտանգության մարմիններում ծառայության մասին օրենքում փոփոխություն կատարելու մասին հարցը:
«Ելույթս վերնագրել եմ ապոկալիպսիս չի լինելու, որովհետև այս դահլիճում երբեմն հնչում են ապոկալիպսիկ ելույթներ: Ապոկալիպսիսի մասին խոսող կառույցները և մարդիկ շատ կարճ կյանք են ունեցել»,- իր ելույթում հայտարարեց «Իմ քայլը» խմբակցության պատգամավոր Հովհաննես Հովհաննիսյանը:
Խոսելով երեկվա դեպքերի մասին՝ նա ասաց. «Ես կարծում եմ, որ ոստիկանությունը պետք է ամենախիստ պատժին արժանացնի բոլոր այդ մարդկանց, և զարմանում եմ, որ նրանցից որոշները դեռևս համալսարաններում շարունակում են կրթել երիտասարդներին. կարծում եմ՝ համալսարաններում դաս տվողներին էլ պետք է «պսիխո»-ով անցկացնել, հետո թողնել լսարան»:
Անդրադառնալով քաղաքացիական անհնազանդության մասին խոսակցություններին՝ Հովհաննես Հովհաննիսյանն ասաց. «Մարդիկ շատ լավ տեսնում ու հասկանում են, թե դա որտեղից է կառավարվում, քաղաքական թիմը լիովին տիրապետում է իրավիճակին: Ապոկալիպսիս երկրում չի լինելու. երկիրը արագ կամ դանդաղ առաջընթաց է ունենալու և զարգանալու է»:
Մանրամասները՝ տեսանյութում: