Երկրագնդի մթնոլորտի ջերմաստիճանը վերջին հարյուրամյակում բարձրացել է մոտավորապես 0.74°C-ով: Այս մասին հայտնել են Կլիմայի փոփոխության հարցերով միջկառավարական խմբի փորձագետները՝ փոխանցում է ITAR-TASS-ը:
Գիտնականները ներկայացրել են թվով 5-րդ զեկույցը, որի վրա 2007-ից աշխատել են փորձագետներ՝ ամբողջ երկրից:
«Մեր մոլորակը ավելի քան 1 դար է՝ տաքանում է: Դա շատ տագնապահարույց է: Աճում է կարևորագույն ջերմոցային գազերի՝ ածխաթթուների խտությունը, ինչը մեծ չափով մեղավորն է այն բանի, ինչը մենք նկատում ենք»,- ասել է «Ռոսհիդրոմետի» աշխարհաֆիզիկական գլխավոր կայանի տնօրեն Վլադիմիր Կատցովը:
«Գլոբալ ջերմաստիճանը բարձրանում է, Համաշխարհային օվկիանոսի մակարդակը բարձրանում է ու շարունակելու է բարձրանալ: Սառույցը հալչում է: Ավելի խոնավ վայրերում տեղումները ուժեղանում են, իսկ ավելի չորային հատվածներն ավելի են չորանում: Մայրցամաքներն ավելի արագ են տաքանում, քան օվկիանոսները, ու հատկապես արագ են տաքանում Հյուսիսային կիսագնդի բարձր լայնությունները»,- ասել է Կատցովը:
Համաշխարհային օվկիանոսի մակարդակը տարեկան բարձրանում է 3 միլիմետրով:
