Ֆոտոլրագրող Գագիկ Շամշյանի՝ թերթին փոխանցած տեղեկություններով՝ երեկ առավոտյան ժամը 7-ին Երևան-Երասխ ավտոճանապարհի Արևաբույր գյուղի հատվածում ԲՄՎ մակնիշի 22 0Տ 525 համարանիշի ավտոմեքենայի վարորդը՝ Կոտայքի մարզի Զովունի գյուղի բնակիչ 25-ամյա Սուրիկ Թովմասյանը, բախվել է իր առջևից ընթացող 48-ամյա Ժիրիկ Սարգսյանի «Կամազ» մակնիշի ավտոմեքենային և շուռ գալով՝ մոտ 5 մետր սահել բաժանարար հատվածում: Վթարի վայրից 4 հոգի մարմնական վնասվածքներով տեղափոխվել են Արտաշատի հիվանդանոց, իսկ հետո՝ «Էրեբունի» բժշկական կենտրոն:
«Մինչ դեպքի վայրում ոստիկանությունն ու ապահովագրական ընկերությունները իրենց աշխատանքն էին կատարում, նշված ճանապարհով Երևան էր մեկնում ԱԺ նախագահ Հովիկ Աբրահամյանը, իսկ Երևանից Արտաշատ էր մեկնում Արարատի մարզպետ Էդիկ Բարսեղյանը: Նույն օրը, ժամը 18-ի սահմաններում, Երևան-Արմավիր ավտոճանապարհի 25-րդ կիլոմետրում իրար են բախվել «Վոլվո» մակնիշի 61 ԼԼ 613 համարանիշի և «Ջիպ» մակնիշի 61 00 899 համարանիշի ավտոմեքենաները: Վթարի վայրից «Վոլվո»-ի վարորդը՝ 54-ամյա Հրաչիկ Կիրակոսյանը, և նրա 2 ուղևորները տեղափոխվել են Էջմիածնի հիվանդանոց, իսկ «Ջիպ»-ի վարորդը՝ 41-ամյա Հովհաննես Հակոբյանը, Մեծամորի հիվանդանոց: Այդ պահին Արմավիրից Երևան էր մեկնում Արմավիրի մարզպետ Աշոտ Ղահրամանյանը, ով շտապում էր կառավարություն»:
