ԱՄՆ նախագահ Դոնալդ Թրամփը օգնականներին խնդրել է ճնշել ամերիկացի օդերևութաբաններին՝ «Դորիան» փոթորկի կանխատեսումներն փոփոխելու համար։ Այս մասին գրում է The New York Times-ը։
Պարբերականի տվյալներով՝ Թրամփն օգնականներին կոչ է արել անձամբ միջամտել իրավիճակին, որպեսզի «արդարացնի իր պնդումը՝ Ալաբամայում փոթորկի սպառնալիքի մասին»։
Սեպտեմբերի 1-ին Թրամփը հայտարարել է, որ «Դորիան» փոթորիկը կարող է հասնել նաև Ալաբամա նահանգին։ ԶԼՄ-ները նրան սխալմունքի մեջ են մեղադրել, իսկ նա նույնն է պնդել։ Ավելի ուշ նա լրագրողներին իր խոսքն ապացուցել է քարտեզի միջոցով, որտեղ ինչ-որ մեկը փոփոխել է փոթորկի պոտենցիալ ճանապարհը՝ ներառելով Ալաբամայի մի հատվածը։ Դրանից հետո նախագահին մեղադրել են նրանում, որ նա կեղծ քարտեզ է ցույց տվել։