Սահմանադրական դատարանը հրապարակել է մեղադրյալ Ռոբերտ Քոչարյանի դիմումի քննության արդյունքում կայացրած որոշումը, որի համաձայն՝ Քրեական դատավարության օրենսգրքի՝ մեղադրյալի կողմից վիճարկված հոդվածներից մեկը՝ 35-րդը, ճանաչել է Սահմանադրությանը չհամապատասխանող ու անվավեր, իսկ մյուս հոդվածը՝ 135-րդը, Սահմանադրությանը համապատասխանող։
Թեմայի շուրջ «Առաջին լրատվական»-ը զրուցել է փաստաբան, Փաստահավաք խմբի նախկին անդամ Սեդա Սաֆարյանի հետ։
Իրավական տերմինաբանությունից զատ կբացատրե՞ք, թե ինչի մասին է Սահմանադրական դատարանի այս որոշումը՝ ինչն է սահմանադրական, ինչն է հակասահմանադրական, և ի՞նչ են պարունակում այս երկու հոդվածները․ «Առաջին լրատվական»-ի հարցին Սեդա Սաֆարյանը պատասխանեց․ «ՀՀ Քրեական օրենսգրքի 35-րդ հոդվածը վերաբերում է քրեական հետապնդումը բացառելուն, որտեղ չի տարանջատում անձանց, այսինքն՝ անձը հատուկ կարգավիճակ ո՞ւնի, թե՞ ոչ։ Չգիտեմ, թե ինչու է Սահմանադրական դատարանը գտել, որ այդ հոդվածում պետք է լինի հատուկ կարգավիճակով պաշտպանության տակ առնված պետական պաշտոնյայի գործառութային անձեռնմխելիության վերաբերյալ դրույթ, որովհետև գործառութային անձեռնմխելիության վերաբերյալ դրույթ սահմանել է Սահմանադրական դատարանը 56.1 հոդվածով։ Այդ հոդվածով ՍԴ-ն ՀՀ նախագահին օժտել է անձեռնմխելիության ինստիտուտով, սակայն իր գործառույթից չբխող գործողությունների համար սահմանել է, որ նա ենթակա է պատասխանատվության, որի մեջ մտնում է նաև քրեական պատասխանատվությունը։
Ըստ էության՝ Ռոբերտ Քոչարյանին մեղադրանք է առաջադրվել իր գործառույթից չբխող գործողություններ կատարելու համար, որը Քրեական օրենսդրությամբ նախատեսված հանցավոր արարք է։ Հետևաբար՝ այս գործառույթային անձեռնմխելիության վերաբերյալ այդ չկան դիտել որպես հակասահմանադրական, ընդունելի չէ»։
Մանրամասները՝ տեսանյութում։