Մոլորակի 10 ամենահարուստ մարդիկ ավելի քան 14 մլրդ դոլար են կորցրել՝ ԱՄՆ-Չինաստան առևտրային հակամարտության սրման ֆոնին համաշխարհային բորսաների անկման պատճառով։ Այս մասին ասվում է Bloomberg Billionaires Index (BBI)-ի վարկանիշում։
Նշվում է, որ ամենամեծ կորուստը կրել է Amazon ընկերության ղեկավար Ջեֆ Բեզոսը։ Նրա կարողությունը կրճատվել է 3․25 մլրդ դոլարով։
Facebook-ի հիմնադիր Մարկ Ցուկերբերգի, Microsoft-ի հիմնադիր Բիլ Գեյթսի, Google-ի հոլդինգային ընկերության` Alphabet Inc-ի համահիմնադիրներ Լարի Փեյջի և Սերգեյ Բրինի, Oracle-ի համահիմնադիր Լարի Էլիսոնի, Brakshire Hatway ներդրումային ընկերության ղեկավար Ուորեն Բաֆեթի կարողությունները նվազել են 1․3-1․8 մլրդ դոլարով։
