ՀՀ արտակարգ իրավիճակների նախարարության «911» ծառայությունն օգոստոսի 9-ին, ժամը 15:12-ին ահազանգ է ստացել, որ Երևան քաղաքի Խորենացու փողոցի թիվ 112 հասցեում գտնվող «Մետաքս Գոլդ» ՍՊԸ-ի տարածքում՝ 4-րդ հարկում, տեղի է ունեցել գազի բալոնի պայթյուն՝ հրդեհի բռնկմամբ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել ԱԻՆ փրկարար ծառայության հրշեջ-փրկարարական ջոկատի մեկ մարտական հաշվարկ և Ճգնաժամային կառավարման ազգային կենտրոնի արտակարգ իրավիճակների արձագանքման խումբը:
Ինչպես տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, պարզվել է, որ Տիգրան Մեծի պողոտայի թիվ 4 հասցեում գտնվող Պետական գույքի կառավարման կոմիտեի շենքի տանիքում տեղադրված արևային մարտկոցում տեղի է ունեցել էլեկտրական լարերի կարճ միացում՝ հրդեհի բռնկմամբ։
Հրդեհը մարվել է քաղաքացիների ուժերով:
Մասամբ ջերմահարվել են տանիքի փայտյա կառուցատարրերը՝ մոտ 3 քմ և 1 արևային մարտկոց՝ մոտ 2 քմ: Տուժածներ չկան:
