«Սևան ատարտափին» այս տարի մասնակցել է 1000 ներդրող և 120 ստարտափեր, որոնք ընտրվել են շուրջ 1000 մասնակիցներից: Ներկայումս փոխվել է ստարտափերի ու ներդրումների գաղափարը. եթե նախկինում ներդրողները, բանկիրները, ֆինանսիստները նստում էին իրենց կաբինետնեում և սպասում էին, թե երբ է նոր գաղափար գալու, որի մեջ իրենք պետք է ներդրում անեն, ապա այսօր գաղափարներն այնքան արագ են զարգանում, թվային աշխարհն այնքան արագ է մեծանում, որ ներդրողները փոխել են հոգեբանությունը, և այսօր իրենք են ստիպված լինում գնալ, փնտրել նոր գաղափարներ: Որքանո՞վ է այս նոր միտումը տեղ գտել Ռուսաստանում, նաև՝ Հայաստանում:
Պատասխանելով «Առաջին լրատվական»-ի այս հարցին՝ Ուսանով ֆոնդի USM Holdings վենչուրային դեպարտամենտի ներդրումային մենեջեր Վահան Խռանյանը մասնավորապես ասաց. «Մենք հիմա արդեն անցել ենք «չորրորդ հեղափոխությունը», կապիտալացման մակարդակով ամենամեծը հիմա IT ընկերություններն են, և այսօր բոլոր ներդրողները հետաքրքրվում են IT ստարտափերով և ուզում են ներդրում անել»:
Վ.Խռանյանը նշեց, որ այն ստարտափերն են ավելի գրավիչ, որոնք աշխատում են շատ մեծ շուկաներում, և տարբեր ստարտափեր ցանկանում են գրավել հենց այդպիսի շուկաները:
Մանրամասները՝ տեսանյութում։