Հնդկաստանում անհետ կորել է սրճարանների խոշորագույն ցանցի սեփականատեր Վի Ջի Սիդդհարտան, հաղորդում է CNN-ը:
Միլիարդատիրոջ անհետացման մասին հայտարարությամբ հանդես է եկել նրա կողմից հիմնված Coffee Day Enterprises ընկերությունը:
Ոստիկանության կոմիսար Մանգալուր Սանդիպ Պատիլը հեռուստաալքին հայտնել է, որ երկուշաբթի Սիդդհարտան մեքենայով Բանգալորից Մանգալուր է ուղևորվել:
Նրա խոսքերով, ճանապարհին նա կանգ է առել Նետրավատի գետի կամրջով զբոսնելու համար. հենց այդ կետում գետը թափվում է Արաբական ծովը:
Կոմիսարը նշել է, որ առափնյա պահակախումբը և տեղացի ձկնորսները զբաղվում են գետում միլիարդատիրոջ որոնումներով:
Սիդդհարտան Coffee Day ընկերությունը հիմնել է 1993 թ.-ին: Այսօր արդեն այն վերածվել է սրճարանների խոշորագույն ցանցի ամբողջ Հնդկաստանում. ընդհանուր առմամբ երկրի 245 քաղաքներում ավելի քան 1700 սրճարաններ կան:
