Fox News հեռուստաալիքի հաղորդավար Կրիս Ուոլեսի հարցազրույցը Վլադիմիր Պուտինի հետ ներկայացված է ամերիկյան հեռւոստատեսային «Էմմի» մրցույթի անվանակարգերից մեկում: Այս մասին հայտնում է հեռուստաալիքի կայքը:
Ուոլեսը ներկայացված է «Նշանավոր հարցազրույց» անվանակարգում: Նշվում է, որ այս անվանակարգն առաջինն է ալիքի պատմության մեջ:
«Էմմիի» հաղթողներին կհայտարարեն սեպտեմբերի 24-ին Նյու-Յորքում:
Հարցազրույցը կայացել է 2018 թվականի հուլիսին Հելսինկիում ռուս-ամերիկյան գագաթնաժողովի ավարտից հետո, որտեղ Պուտինը հանդիպեց ԱՄՆ նախագահ Դոնալդ Թրամփին: Պուտինը պատասխանել է Ուոլեսի այն հարցերին, որոնք վերաբերում են Ռուսաստանի միջամտությանը ԱՄՆ նախագահի ընտրություններին:
Նույն ժամանակ էլ լրագրողը շփվել է Թրամփի հետ, որին եւ դեմոկրատները, եւ հանրապետականները քննադատեցին նրա համար, որ գագաթնաժողովի ընթացքում նա չբարձրացրեց ամերիկյան ընտրություններին Մոսկվայի միջամտության մասին հարցը:
Անվանակարգը մեկնաբանելով, լրագրողը կատակել է, որ Պուտինը կարող է փորձել յուրացնել նաեւ այս մրցանակը, ինչպես դա եղել է 2005-ին, երբ նախագահը The New England Patriots ֆուտբոլային ակումբի տերերից խնդրեց փորձել չեմպիոնական մատանին, սակայն այն չվերադարձրեց: Միջոցառումն անցել է աջանց միջադեպերի:
