Մեր կառավարությունում չկա այնպիսի մեկը, որին հնարավոր չլինի փոխարինել, և եթե ինչ-որ մեկը իրեն անփոխարինելի է համարում, հենց նա ամենաշուտը կփոխարինվի: Ինչպես հաղորդում է «Գրուզիա Օնլայն»-ը, այս մասին հայտարարել է վարչապետ Իրակլի Ղարիբաշվիլին:
«Ես հիացած չեմ ոչ մի նախարարի աշխատանքից: Նրանցից և առաջին հերթին՝ ինձանից ես պահանջում եմ առավելագույնը: Ես նկատողություն ունեմ մի քանի նախարարների աշխատանքի կապակցությամբ, սակայն դեռևս զերծ կմնամ դրա մասին խոսելուց»,- հայտարարել է Ղարիբաշվիլին:
Վարչապետի խոսքով՝ ինքը դեռևս սպասում է, որ նախարարները կուղղեն խնդիրները մենեջմենթում, իսկ ավելի ուշ համապատասխան որոշում կկայացնի:
