Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում Արմեն Խաչատրյանի նախագահությամբ սկսվում է Անդրանիկ Ասիրյանի և Գևորգ Հովսեփայնի գործի դատական քննությունը:
Ըստ մեղադրանքի՝ 17-ամյա Անդրանիկ Ասիրյանը և 19-ամյա Գևորգ Հովսեփյանը 2013 թվականի դեկտեմբերի 27-ին Ռուբինյանց փողոցի շենքերից մեկի բակից գաղտնի հափշտակել են ոստիկանության Երևան քաղաքի վարչության քրեական հետախուզության բաժնին հատկացված, 665 հազար 500 դրամ արժողություն ունեցող ավտոմեքենան:
Ամբաստանյալները մեղադրվում են գողության համար՝ ՀՀ քրեական օրենսգրքի 177 հոդվածի 2-րդ մասի 1-ին, 2-րդ կետերով: