Ուոլթ Դիսնեյի զարմուհին՝ Էբիգեյլը այցելել է «Դիսնեյլենդ» զվարճանքների զբոսայգի և վրդովվել աշխատակիցների աշխատավարձերի տարբերությամբ, հաղորդում է CNN-ը:
Լեգենդար մուլտիպլիկատորի ժառանգը կարծում է, որ ընկերությունը բավարար չափով չի հարգում իր աշխատակիցներին: Նրա խոսքերով, «աշխատակիցները ստիպված են սնունդ փնտրել այլ մարդկանց աղբարկղում»: Էբիգեյլը քննադատել է ընկերության ղեկավար Ռոբերտ Այգերին՝ ասելով, որ «նա նույնպիսի աշխատող է, ինչպես մնացածը»:
Անցյալ տարի Այգերը վաստակել է մոտ 66 մլն դոլար, այն ժամանակ, երբ աշխատակիցների միջին աշխատավարձը կազմում էր մոտ 44 հազար դոլար:
