Երեկ ԱՄՆ Կոնգրեսում տեղի են ունեցել լսումներ՝ «Ժամանա՞կն է, արդյոք, դադար առնել «վերբեռնման» գործընթացում: Պաշտպանելով ԱՄՆ շահերը ռուսական ագրեսիայից առաջ» խորագրով, որտեղ հանրապետական Իլիանա Ռոս Լեխտինենն ասել է, որ Օբամայի վարչակազմը մեկը մյուսի հետևից զիջումների է գնում Ռուսաստանի հետ հարաբերություններում: Այս մասին հաղորդում է «Ամերիկայի ձայնը»:
Կոնգրեսականը նշել է, որ որպես «վերբեռնման» ձեռքբերման լավագույն օրինակ է նշվում Ռուսաստանի և Իրանի վատթարացած հարաբերությունները, սակայն նա հավելել է, որ իրականում Ռուսաստանը նույն քաղաքականությունն է վարում: Նա հաճախ ընդդեմ է գնում ԱՄՆ շահերին, օրինակ՝ Վենեսուելայի հետ իր հարաբերություններում կամ վրացական իր քաղաքականությունում:
Լուրջ քննադատություն է հնչել՝ կապված Ռուսաստանի ներքին քաղաքականության և մարդու իրավունքների հետ: Եղել են նաև հակառակ կարծիքներ: Որպես ռուսաստանյան քաղաքականության փոփոխման վառ օրինակներ են նշվել միջուկային զենքի կրճատման պայմանագրի ստորագրումը, Աֆղանստանում ԱՄՆ զորքերի համար ցամաքային ուղիների տրամադրումը և այլն:
Լսումների ժամանակ ելույթ է ունեցել նաև միջազգային հարաբերությունների հարցերով խորհրդական Սթիվեն Սեստանովիչը, ով ասել է, որ Ռուսաստանի հետ հարաբերություններում ոչ մի դադար պետք չէ վերցնել. «Մեր զորքերն Աֆղանստանում դադարներ չեն հանդուրժում, դադարը պետք չէ նաև ցամաքային սպառազինությունների կրճատման պայմանագրի հարցում»,- ասել է նա:
