Թրամփը «թաղել է» Շվարցենեգերին: Սպիտակ տանը ելույթի ժամանակ ԱՄՆ նախագահը հայտարարել է, որ անձամբ տեսել է հոլիվուդյան դերասանի մահը:
«Տերմինատորի» աստղ և Կալիֆոռնիայի նախկին նահանգապետ Առնոլդ Շվարցենեգերը հիշեցրել է, որ դեռ շարունակում է ողջ մնալ:
Միացյալ Նահանգների նախագահ Դոնալդ Թրամփի արտահայտության մասին Twitter-ում հաղորդել է Yahoo News-ի լրագրող Հանթեր Ուոքերը, նշելով, որ Շվարցենեգերն իսկապես լավ է:
Ամերիկացի դերասանը նույնպես չի լռել և նշել է, որ դեռ վաղ է իրեն թաղելը:
«Ես դեռ այստեղ եմ: Ցանկանու՞մ եք համեմատենք հարկային հայտարարագրերը»,- առաջարկել է նա Թրամփին:
Ավելի ուշ, Yahoo News-ի լրագրողը պարզաբանել է, որ Սպիտակ տան ղեկավարը Շվարցենեգերի մահվան մասին խոսել է «Աշակերտ» ռեալթի շոուի վարկանիշների քննարկման ժամանակ: Թրամփը ծրագրի վարողն ու պրոդյուսերն է եղել 2003-2015 թթ., իսկ մինչև 2017 թ.-ը շոուի վարողը Առնոլդ Շվարցենեգերն էր:
Հոլիվուդյան աստղի հետ կապված միջադեպը վերջին ժամանակներս ամերիկյան առաջնորդի կողմից թույլ տրված միակ կիքսը չէր: Սոցցանցերի գագաթնաժողովից առաջ նա շփոթել էր իր նախորդ ընտրարշավի և ընտրության ամսաթվերը, գրել է People պարբերականը:
Միացյալ Նահանգների նախագահի խոսքերով, մրցավազքին իր մասնակցության մասին նա հայտարարել է 2016 թ.-ի նոյեմբերին: Փաստացի, դա տեղի է ունեցել գրեթե մեկ տարի առաջ, 2015 թ.-ի հունիսին:
https://twitter.com/hunterw/status/1149411241791807488?ref_src=twsrc%5Etfw%7Ctwcamp%5Etweetembed&ref_url=https%3A%2F%2F360tv.ru%2Fnews%2Fmir%2Ftramp-ubil-terminatora-prezident-ssha-zajavil-o-smerti-shvartseneggera%2F
I’m still here. Want to compare tax returns, @realDonaldTrump? https://t.co/lMQHsE1bQK
— Arnold (@Schwarzenegger) July 11, 2019
