Սիրիացի զինծառայողները չորեքշաբթի օրը մտել են Կալաաթ-էլ-Հոսն բնակավայր՝ Հոմսից 60 կմ հեռավորության վրա, որտեղ ծայրահեղականների դեմ մարտեր են մղում միջնադարյան Կրակ դե Շևալյե ամրոցի պարիսպների ներքո: Այս մասին գրում է ITAR-TASS-ը:
Ամրոցը «Ջունդ-աշ-Շամ» արմատական խմբավորման մոտ 200 գրոհայինների համար դարձել է ռազմական բազա: Կրակ դե Շևալյեն համարվում է ճարտարապետական գլուխգործոց և ներառվել է ՅՈՒՆԵՍԿՕ-ի համաշխարհային մշակութային ժառանգության ցանկում:
Ջիհադիստներն այս շրջանը գրավել են ութ ամիս առաջ, ինչը սպառնալիք է ստեղծել Հոմս-Տարտուս ռազմավարական նշանակության մայրուղու և հարևանությամբ գտնվող քրիստոնեական գյուղերի համար: Դրանց հրամանատարը լիբանանցի Հալեդ Ալ-Մահմուդն է:
Ամրոցը գտնվում է լիբանանյան սահմանից 10 կմ հեռավորության վրա:
