Վրաստանի տնտեսության և կայուն զարգացման նախարար Նաթիա Թուրնավան Ռուսաստանի կողմից զբոսաշրջիկային արգելքի ֆոնին հայտարարել է, որ Ռուսաստանի հետ պրագմատիկ և տնտեսական հարաբերությունները շահավետ են Վրաստանի համար։
«Որքան ուժեղ մենք կլինենք տնտեսապես, որքան ավելի շատ երկրներ կլինեն (այդ թվում նաև Ռուսաստանը), որոնց հետ մենք տնտեսական, պրագմատիկ հարաբերություններ կվարենք, որքան շատ բավարարված զբոսաշրջիկներ կհեռանան երկրից իրենց հետ տանելով Վրաստանի մասին իրական տեղեկությունը, այնքան ավելի լավ մեզ համար, քանի որ մենք ընտրել ենք կոնֆլիկտի խաղաղ կարգավորման ճանապարհը և սա խաղաղ կարգավորումն իրագործելու մի մասն է»,- հայտարարել է նախարարը գյուղատնտեսությամբ զբաղվողների և զբոսաշրջության ներկայացուցիչների հետ հանդիպման ժամանակ։