Իրանական միջուկային ծրագրի շուրջը Գործողությունների համատեղ համապարփակ պլանի (ԳՀՀՊ) մասնակիցները պետք է համաձայնագրի պայմանները կատարեն այն չափով, որով դա անում Է Թեհրանը: Հուլիսի 3-ին այդ մասին հայտարարել է Իրանի նախագահ Հասան Ռոհանին:
«Դուք պետք է որոշեք՝ պաշտպանում եք ԳՀՀՊ-ն թե ոչ: Եթե պաշտպանում եք, ապա բոլորը պետք Է դրա դրույթները կատարեն այն չափով, որով դա անում Է Իրանը»,- մեջբեում է նախագահի խոսքն IRIB հեռուստառադիոհաղորդումների կորպորացիան: Նա նաեւ հավելել է, որ համաձայնագրից ԱՄՆ-ի միակողմանի դուրս գալուց հետո «Թեհրանն սպասել է մի ամբողջ տարի, որպեսզի գործարքի մնացած մասնակիցները կատարեն պարտավորությունների իրենց մասը»:
Ռոհանին հավելել է, որ Թեհրանն իրանական միջուկային ծրագրի շուրջը ԳՀՀՊ-ի շրջանակներում իր պարտավորությունների կրճատման Է գնում հանուն դրա պահպանման:
Նախագահի խոսքով՝ «եթե Իրանը չգնա իր պատավորությունների կրճատման, ապա միջուկային գործարքը կդադարի գոյությունը»: «Քանի որ համաձայնագրի մյուս մասնակիցները չեն կատարում իրենց պարտավորությունները, մենք նույնպես սահմանափակում ենք ԳՀՀՊ-ի դրույթների կատարումը, որպեսզի պահպանենք հավասարակշռությունը գործարքի շրջանակներում»,- ընդգծել է նա, հաղորդել է ՏԱՍՍ-ը: