«Ժողովուրդ»-ը գրում է. «Տավուշի մարզի վերին Կարմիրաղμյուր գյուղից արդեն երկրորդ անգամ մարդիկ հայտնվում են Ադրբեջանի տարածքում: Առաջինը ծերունի Մամիկոն Խոջոյանն էր, որին խոշտանգված վերադարձրեցին, նրան հաջորդեց 22- ամյա Արսեն Խոջոյանը, ով դեռ շարունակում է գերի մնալ Ադրμեջանում: Ինչպե՞ս են մարդիկ իրենց գյուղում մոլորվում և հայտնվում 5 կմ հեռավորության վրա գտնվող թշնամու դիրքերում: Այս հարցի պատասխանը, կարծես թե, չի մտահոգում ՀՀ բարձրագույն իշխանությանը՝ հատկապես ՀՀ պաշտպանության նախարար Սեյրան Օհանյանին:
«Ժողովուրդ»-ը փորձեց Վերին Կարմրաղբյուր համայնքի ղեկավար Կամո Չոբանյանից պարզել. արդյոք գյուղում չկա՞ն այնպիսի նշաններ, որ մարդկանց հուշեն՝ թշնամու սահմանին չմոտենալ: «Հստակ սահմանազատում չկա, ինչպես կարող են մարդիկհստակ իմանալ»,- պատասխանեց գյուղապետը՝ հավելելով, որ կրակոցներ մշտապես կան և միայն զինվորականները կարող են ասել, թե իրականում ինչ է կատարվում:
Զրուցեցինք նաև ՀՀ ՊՆ խոսնակ Արծրուն Հովհաննիսյանի հետ՝ հետաքրքրվելով. հնարավո՞ր է սահմանամերձ շրջաններից Ադրբեջանը մարդկանց պարզապես գողանում է: «Չեմ կարծում, որ դա լուրջ տեսակետ է»,- ասաց Հովհաննիսյանը: Մեր հարցին, թե ՊՆ ի՞նչ է անում, որպեսզի նման դեպքերը չկրկնվեն, խոսնակը պատասխանեց. «Մինչև այդ տարածքներում հստակ սահմանազատում չլինի, միջազգային նորմերին համապատասխան, այս խնդրից չենք կարող խուսափել»:
Այսինքն՝ քանի դեռ ղարաբաղաադրբեջանական հակամարտությունը չի կարգավորվել, հայ գյուղացին չի կարող անվտանգ ապրել:»,–գրում է թերթը։
Մանրամասները՝ թերթի այսօրվա համարում։
