Մարակաեի ցույցի ժամանակ Վենեսուելայի ազգային գվարդիայի կապիտանը զոհվել է գլխի հրազենային վնասվածքից: Այս մասին հայտնել են տեղի իշխանությունները՝ փոխանցում է BBC-ն:
Այսպիսով՝ բողոքի ցույցի զոհերի ընդհանուր թիվը հասել է 29-ի:
Վենեսուելայի նախագահ Նիկոլաս Մադուրոն նախօրեին հրամայել էր զորքեր մտցնել մի քանի քաղաքներ:
Կարակասի Ալտամիրա հրապարակը զինված ուժեր մտցնելուց հետո, որտեղ տեղի էր ունենում բողոքի ակցիա, հսկողության տակ էր վերցվել Ազգային գվարդիայի զինվորների կողմից:
Իշխանությունները այդ օպերացիան անվանել էին շրջանի ազատագրում:
Ներկայում զինվորները խմբերով հսկողություն են իրականացնում այն շրջաններում, որոնք ավելի վաղ զբաղեցրել էր ընդդիմությունը:
Վենեսուելայում արդեն 6 շաբաթ է՝ շարունակվում են զանգվածային ցույցերը՝ երկրի նախագահ Նիկոլաս Մադուրոյի հրաժարականի պահանջով:
Իշխանությունները պնդում են, որ իրականում ակցիաների հետևում կանգնած են Միացյալ նահանգներն ու այլ երկրներ:
