Լուրեր
Հարկային օրենսգրքի դրական ու բացասական փոփոխությունները․ Ինչ թանկացումներ են սպասվում
  • 10:00
  • 2019-06-27
  • Դիտումներ՝ *

73 կողմ և 33 դեմ ձայների հարաբերակցությամբ հարկային փոփոխությունների փաթեթն ընդունվեց Ազգային ժողովի կողմից։ Փաթեթով առաջարկվող հիմնական փոփոխություններից մեկը՝ եկամտային հարկի համահարթեցումը, ուժի մեջ կմտնի արդեն հաջորդ տարվա սկզբից։

Իշխանության կողմից ներկայացված փաթեթին կողմ են քվեարկել միայն իշխանական թևի պատգամավորները, այն էլ՝ ոչ բոլորը։ Փաստորեն ստացվում է, որ հարկային քաղաքականության կոնսեսուսային լուծումներ այդպես էլ չգտնվեցին, ինչո՞ւ «Առաջին լրատվական»-ի հարցին ԱԺ «Իմ քայլը» խմբակցության պատգամավոր Արտակ Մանուկյանը պատասխանեց․ «Դահլիճում այդ պահին գտնվող «Իմ քայլը» խմբակցության բոլոր պատգամավորները կողմ քվեարկեցին։ Ցավոք, մեր ընդդիմադիր գործընկերները դեմ քվեարկեցին։ Այնուհանդերձ, այդ քվեարկությունը կարելի է երկու մասի բաժանել՝ քաղաքական և տնտեսական։ Ես ինքս չլինելով տնտեսական հանձնաժողովի անդամ, կարելի է ասել, մասնակցել եմ գրեթե բոլոր այն քննարկումներին, որոնք իրականացվել են այդ հարթակում։ Փաթեթում կան բազում օրինագծեր, որոնց ընդդիմադիր մեր գործընկերները կողմ են քվեարկել։ Այսինքն՝ եթե մենք առաջնորդվենք դրույթներ և դրույթների քվեարկության արդյունքներով, կարծես թե մեծամասնությունը պետք է լիներ դրական։ Այստեղ միանում է քաղաքական բաղադրիչը՝ որ ընդդիմությունը, թեկուզ ներքուստ, եթե կողմ լինի, չի կարող կողմ քվեարկել, որովհետև սա հնարավորություն է ընձեռնում, որ դրանով որոշակի քաղաքական դիվիդենտներ գրավի»։

Իսկ ԱԺ «Լուսավոր Հայաստան» խմբակցության պատգամավոր Արկադի Խաչատրյանն ասաց․ «Իհարկե, մեր դեմ քվեարկելն ինքնանպատակ չէր։ Եթե, օրինակ, կառավարությունը փոխանակման կետերի տուրքը ներկայացնում է նախագիծը 3 միլիոնի չափով, այնուհետև, մենք Ազգային ժողովում առաջարկում ենք այն նվազեցնել, որպեսզի չփակվեն փոխանակման կետերը՝ հատկապես մարզերում, և այն դառնում է 500 հազար դրամ, 1 միլիոն դրամ, ինչպես կարելի է դեմ քվեարկել նման առաջարկությանը։ Բնականաբար մենք կողմ ենք, և ի սկզբանե դա մեր առաջարկներից էր։ Իհարկե, նման առաջարկներին մենք միշտ կողմ ենք»։

 

 

Մանրամասները՝ տեսանյութում։

  • Դիտումներ՝ *