Մոսկվայի Բասմանիի դատարանը երկարաձգել է Խաչատուրյան քույրերի նկատմամբ սահմանված «որոշակի գործողությունների արգելքի» տեսքով խափանման միջոցը, հորը սպանելու մեղադրանքով, հաղորդում է «ՌԻԱ Նովոստին»:
Որոշակի գործողությունների արգելքի ժամկետը երկարաձգվել է մինչև հուլիսի 28-ը:
Այսպիսով, բոլոր երեք քույրերը, Քրիստինան, Անգելինան և Մարիան, չեն կարողանա տնից դուրս գալ երեկոյան 7-ից մինչև առավոտյան յոթը:
Ավելի վաղ, միջանկյալ քննությունը հաստատել էր, որ Խաչատուրյան քույրերի հայրը՝ Միխայիլը, դուստրերից մեկին սեռական հարաբերությունների է պարտադրել:
2018 թ.-ի հուլիսին Խաչատուրյան քույրերը սպանել են իրենց հորը՝ անձնական հակակրանքի պատճառով: Աղջիկները խոստովանել են իրենց մեղքը: Սեպտեմբերին դատարանը նրանց խափանման միջոցը կալանքից փոխել է «որոշակի գործողությունների արգելքի» և նրանք ազատ են արձակվել դատարանի դահլիճից:
