Սպիտակ տունը չի բացառել, որ ապագայում ԱՄՆ-ի պատժամիջոցները կարող են տարածվել նաև Ռուսաստանի նախագահ Վլադիմիր Պուտինի վրա: Այս մասին հաղորդում է Reuters-ը:
«Հնարավոր է, պատժամիջոցներ կիրառվեն տարբեր ֆիզիկական և իրավաբանական անձանց նկատմամբ: ԱՄՆ-ը չի բացառի պատժամիջոցները ցանկացած մեկի նկատմամբ կամ որևէ գործողություն»,- հայտարարել է Բարաք Օբամայի մամլո քարտուղար Ջեյ Քարնին` պատասխանելով այն հարցին, թե արդյոք ավելի ուշ պատժամիջոցներ կկիրառվեն Վլադիմիր Պուտինի նկատմամբ:
ԱՄՆ նախագահի վարչակազմի ներկայացուցիչը չի մանրամասնել Սպիտակ տան դիրքորոշումը:
