Ճապոնիայի Ֆուկուսիմա պրեֆեկտուրայի իշխանությունները սկսում են ռադիոակտիվության նոր ստացիոնար դետեկտորների ներդրումը, որոնք, ինչպես խոստանում են, ավելի հարմար են մթերքների ստուգման համար, քան ներկայիս սարքերը, հայտնում է ITAR-TASS-ը:
Ցեզիումի իզոտոպների պարունակության մակարդակը ստուգելու համար մինչ այժմ անհրաժեշտ էր մանրացնել 500 գրամից ոչ պակաս միրգ կամ բանջարեղեն, լցնել սարքի մեջ ու կես ժամ սպասել պատասխանի: Նոր ստացիոնար դոզիմետրի դեպքում դրա անհրաժեշտությունը չկա. հարկավոր է կոնտեյների մեջ դնել ամբողջական խնձոր կամ կարտոֆիլ:
Նոր սարքը, որը կտեղադրվի մշակութային կենտրոններում և հասանելի կլինի բոլորին, հնարավորություն է տալիս արդյունք ստանալ հաշված րոպեների ընթացքում:
Դա թույլ կտա յուրաքանչյուր ցանկացողի ստուգել խանութում գնված մրգերը կամ անտառում հավաքած բնության բարիքները:
Նոր սարքն աչքի է ընկնում մեծ ճշգրտությամբ և ցույց է տալիս վնասակար իզոտոպների պարունակությունը: