«Արդար Ռուսաստան» կուսակցության նախագահ Սերգեյ Միրոնովը կոչ է արել Վրաստանի նկատմամբ տնտեսական պատժամիջոցներ կիրառել: Պետդումայի խմբակցության ղեկավարը կարծում է, որ ապրանքների ներմուծման արգելքը Թբիլիսիի հակառուսական ելույթներին և երկրի իշխանությունների ապակառուցողական դիրքորոշմանը համարժեք պատասխան կդառնա:
«Եկեք ճիշտը խոսենք. Վրաստանից գինու և այլ ապրանքների ներմուծումը բարեգործություն է այդ երկրի տնտեսությանը, ընդ որում, բարեգործություն հայրենական գինեգործների և ֆերմերների հաշվին: Սակայն, եթե Թբիլիսին ի վիճակի չէ գնահատել բարի կամքի արտահայտությունը, ես ոչ մի պատճառ չեմ տեսնում առևտրային հարաբերություններ պահպանել մի երկրի հետ, որը հետևողականորեն հակառուսական քաղաքականություն է վարում: Միրոնովի հայտարարությունը, որը տարածել է կուսակցության մամլո ծառայությունը, մեջբերում է «ՌԻԱ Նովոստին»:
Քաղաքագետը շեշտել է, որ Վրաստանի և իշխող շրջանակները, և նրանց ընդդիմախոսները «հավասարապես վարակված են» ռուսատյացությամբ և հիշեցրել է, որ երկրի իշխանությունները չեն ապահովել Ռուսաստանի Դաշնության պատվիրակության անվտանգությունը: