Տղամարդն անսպասելիորեն «գրոհել է» այն շարասյունը, որի մեջ էր Եվրախորհրդարանի պատգամավոր Ռեբեկա Հարմսը:
Այսօր, Կիևում հավասարության երթը համեմատաբար խաղաղ է ընթացել, իսկ հնարավոր սադրանքները կանխվել են մինչ դրանց իրագործումը:
Այնուամենայնիվ, Կիևփրայդի մեկ հակառակորդի հաջողվել է մոտենալ շարասյանը:
Լրագրող Անաստասիա Մագազովան Twitter-ում տեղադրել է երթի մասնակիցների վրա հարձակման տեսանյութը:
«Տղամարդը հարձակվել է հենց այն շարասյան վրա, որտեղ գերմանացի քաղաքական գործիչ Ռեբեկա Հարմսն էր: Նրան մի կողմ քաշեցին, Հարմսը շարունակել է երթը»,- ասվում է հաղորդագրության մեջ:
Նշվում է նաև, որ երթի մեկնարկից առաջ ընտանեկան արժեքների պահպանման համար հանդես եկող արմատականները հավաքվել են Շևչենկոյի անվան այգում: Նրանց շարասյունը շարժվել է իրավապահ մարմինների հարևանությամբ, որոնք բաժանում էին նրանց և հավասարության երթի մասնակիցներին:
