Թբիլիսիում բողոքի ցույցերից հետո Վրաստանում ԱՄՆ-ի դեսպանատունը հայտարարությամբ է հանդես եկել։ Այս մասին հաղորդում է Apsny-ն՝ վկայակոչելով համապատասխան հայտարարությունը։
Դեսպանատանն ընդգծել են, որ ուշադրությամբ հետևում են Վրաստանում կատարվող իրադարձություններին, մասնավորապես՝ խորհրդարանի շենքի առջև։
«Մենք հասկանում ենք ցավը, որն այսօր ապրում են բազմաթիվ մարդիկ։ Բոլոր կողմերին կոչ ենք անում հանգստություն պահպանել»,-նշել են դեսպանատանը։
Վրաստանում ԱՄՆ-ի դեսպանատունը նաև բոլորին խնդրել է զուսպ լինել և չխախտել սահմանադրությունը։