Այսօր՝ հունիսի 19-ին, Ազգային ժողովում շարունակվում է հերթական նիստը: Այժմ քննարկվում է 2018 թվականի պետական բյուջեի կատարման մասին տարեկան հաշվետվությունը:
«Մենք անցյալ տարվա կեսից ենք ստանձնել կառավարության պատասխանատվությունը և գործել ենք այն բյուջեի սահմաններում, որն ընդունված էր դրանից ամիսներ առաջ»,- հայտարարեց ԿԳ նախարար Արայիկ Հարությունյանը:
Նա ներկայացրեց, թե ինչ կարևոր քայլեր են կատարել. «Սկսել ենք բյուջեն մաքրելուց, քանի որ կային չարդարացված և երբեմն ԿԳՆ-ի կողմից հավանության չարժանացած ծրագրեր, որոնք խցկվել էին բյուջեի մեջ տարբեր կենտրոնների, տարբեր ազդեցիկ անհատների զանգերով»:
Հանդես գալով ինքնաքննդատությամբ՝ նա ասաց, որ կան խնդիրներ՝ կապված քանակական և որակական ցուցանիշների հետ: «Սկսել ենք շատ ծրագրեր անցկացնել մրցութային սկզբունքով, ինչը թույլ է տալիս, որ ոլորտը սկսի շնչել, նոր խաղացողներ հայտնվեն, մրցակցություն առաջանա: Իներցիա կա. մրցույթներին քիչ խաղացողներ են մասնակցում՝ դեռ չհավատալով, որ իրենք կարող են հաղթել»:
«Ի հեճուկս շատ չարախոսների՝ ուզում եմ ասել, որ ներառական կրթությունը մեր առաջնահերթություններից մեկն է»,- ասաց Արայիկ Հարությունյանը:
Մանրամասները՝ տեսանյութում:
