ԱՄՆ-ը նախկինի պես բաց է Ուկրաինայի իրադարձությունների շուրջ Ռուսաստանի հետ ծագած սուր հակասությունները դիվանագիտական ուղիով կարգավորելու համար: Ինչպես հաղորդում է ITAR-TASS-ը, այս մասին հայտարարել է Սպիտակ տան քարտուղար Ջեյն Քարնին:
Նրա խոսքերով` Վաշինգտոնը դեռ հույս ունի, որ հնարավորություն կա հարթել Ռուսաստանի և Արևմուտքի միջև տարաձայնությունները` հարգելով միջազգային նորմերը:
Միևնույն ժամանակ Քարնին հաստատել է, որ ԱՄՆ-ի կառավարության մասնագետներն արդեն անցկացրել են միջգերատեսչական աշխատանք, որի նպատակն է որոշել ԱՄՆ նախագահ Բարաք Օբամայի հրահանգը կատարելու ուղիները` ուղղված այն անձանց և կազմակերպություններին, որոնք խարխլում են Ուկրաինայի ամբողջականությունը և ինքնիշխանությունը:
Սպիտակ տան քարտուղարը չի հստակեցրել, թե ինչ հստակ պատժամիջոնցեր կկիրառվեն Ռուսաստանի դեմ:
