Լուրեր
Տիգրան Սարգսյանը լինելով ԵԱՏՄ-ում` այս հարցում ազդեցություն չունեցավ. հայկական բաց երկնքի «բացերը»

Հեղափոխությունը հասա՞վ քաղաքացիական ավիացիա, ի՞նչ վիճակում է հիմա այս ոլորտը «Առաջին լրատվական»-ի հարցին ՀՀ վարչապետի խորհրդական Հակոբ Ճաղարյանը պատասխանեց․ «Իմ կարծիքով՝ հեղափոխությունը հասավ տնտեսության բոլոր ոլորտները, այդ թվում՝ արդեն շոշափում է քաղաքացիական ավիացիայի ոլորտը։ Բայց նախ ուզում եմ ասել, որ քաղաքացիական ավիացիան, ընդհանրապես, հեղափոխական ոլորտ չէ։ Քաղաքացիական ավիացիան ամբողջ աշխարհում ամենահամակարգված կամ գոնե ամենահամակարգված ոլորտներից մեկն է, որտեղ հեղափոխություններ և այլ կատակլիզմներ այնքան էլ ազդեցություն չեն ունենում։ Դա հաստատուն, հիմնված, հիմնավոր ու միջազգային օրենքներով կարգավորվող ոլորտ է և ունի իր աճի չափանիշները»։

«Դեռ պատերազմը չավարտված՝ 1944 թվականին կայացավ հայտնի Չիկագոյի կոնվենցիան, որը հիմք դրեց առ այսօր կարգավորվող և դինամիկ զարգացող քաղաքացիական ավիացիայի օրենքներին և նրանց փոփոխություններին։ Չիկագոյի կոնվենցիան ունի մի քանի հոդվածներ, որոնք հանդիսանում են ժամանակակից քաղաքացիական ավիացիայի հիմքը կազմող օրենքների բազային դրույթները։ Դրա վրա հիմնվեց քաղաքացիական ավիացիայի միջազգային կազմակերպությունը, որն անընդհատ օրենքներ է մշակում, զարգացնում, վերափոխում, արդիականացնում, բոլորովին նոր օրենքներ է մշակում՝ կապված քաղաքացիական ավիացիայի զարգացումից։ Այդ օրենքների և միջազգային կարգավորումների հիման վրա բաց երկնքի քաղաքականությունը դարձավ ինտեգրման, շուկայի զարգացման նոր մեթոդ, նոր գործիք»,- հավելեց Հակոբ Ճաղարյանը։

 

 

Մանրամասները՝ տեսանյութում։

  • Դիտումներ՝ *