Ջենիֆեր Լոպեսի 11-ամյա դուստրը՝ Էմման, հստակ որոշել է գնալ մայրիկի հետքերով: Փոփ աստղը հաճախ է հայտնի երգերի նրա կատարումներով կարճ հոլովակներ հրապարակում: Սակայն, ակնհայտ է, որ Լոպեսը որոշել է, որ ժամանակն է, որ աղջիկը իսկական ելույթ ունենա:
Փոփ երգչուհին լոսանջելեսյան իր վերջին «Սա իմ երեկույթն է» շրջագայության ժամանակ բեմ է հրավիրել Էմմային, և նրանք միասին կատարել են «Limitless» («Անսահմանափակ») երգը: Համատեղ ելույթի համար մայրը և դուստր ընտրել են վառ կարմիր-նարնջագույն փարթամ փեշով միանման զգեստներ:
Լոպեսը ելույթից մի հատված է հրապարակել, որտեղ նրանք ավարտում են երգը և նա ծնկի է իջնում դստեր առաջ:
«Ես չեմ կարող հավատալ սրան»,- գրել է երգչուհին և կցել «մայրական հպարտության» հեշթեգը:
Ջենիֆերի երկրպագուներն ու գործընկերները իրենց հիացմունքն են հայտնել կատարման վերաբերյալ:
https://www.instagram.com/p/BydGMuHghzs/?utm_source=ig_embed
