Նորվեգիայում երեկ մեկնարկեց Norway Chess գերհզոր մրցաշարը, որին մասնակցում են 10 շախմատիստներ: Մրցաշարն անցկացվում է յուրօրինակ ձևաչափով:
Դասական շախմատի պարտիայում հաղթանակի համար տրվում է 2 միավոր, իսկ եթե պարտիան ավարտվում է ոչ-ոքի արդյունքով, ապա նշանակվում է արմագեդոն, որտեղ սպիտակներին տրվում է 10 րոպե, իսկ սևերին՝ 7, սակայն ոչ-ոքի արդյունքի դեպքում հաղթանակը շնորհվում է սևերին:
Առաջին տուրի բոլոր 5 դասական պարտիաներն ավարտվեցին հաշտությամբ և բոլոր դեպքերում խաղարկվեց արմագեդոն: Այստեղ 5 պարտիաներից չորսում հաղթեցին սպիտակներով հանդես եկող շախմատիստները՝ Լևոն Արոնյանը, Մագնուս Կարլսենը, Շահրիյար Մամեդյարովը և Դին Լիժենը և միայն սևերով հանդես եկող Յու Յանգին կարողացավ հաղթել Վաշիե-Լագրավին:
Այսպիսով առաջին տուրից հետո 5 շախմատիստ 1.5-ական միավորվ գլխավորում են աղյուսակը: Այսօր կայանալիք 2-րդ տուրի կենտրոնական պարտիայում Լևոն Արոնյանը կմրցի Մագնուս Կարլսենի դեմ:
