News Georgia-ի փոխանցմամբ՝ հուլիսի 24-28-ը Բաթումում կայանալու է լողափային ֆուտբոլի 2-րդ միջազգային փառատոնը։ Այս մասին հայտարարել է Աջարիայի զբոսաշրջության և առողջավայրերի դեպարտամենտը։ Փառատոնին մասնակցելու է 8 թիմ, որոնք ներկայացնելու են Վրաստանի, Հայաստանի, Ադրբեջանի, Մոլդովայի և Իրանի տարբեր քաղաքներ։
Մրցաշարին աջակցում են Բաթումի քաղաքապետարանն ու Աջարիայի լողափային ֆուտբոլի ֆեդերացիան, հովանավորներն են Vestel-ը, Dimes-ը, UniCard-ը և այլն։
Նշվում է, որ փառատոնի շրջանակներում երկրպագուների համար պլանավորված են տարբեր ակցիաներ։ Օրինակ՝ Dimes ընկերությունն անվճար բաժանելու է մրգային հյութեր, իսկ Vestel ընկերությունն անցկացնելու է կենցաղային տեխնիկայի խաղարկություն։
Տեղի է ունենալու նաև վրացական բանահյուսության համերգ, զվարճալի միջոցառումներ։
