ԱՄՆ նախագահ Բարաք Օբամայի վարկանիշը հասել է ռեկորդային ցածր մակարդակի՝ գրում է The Wall Street Journal-ը:
Պարբերականի և NBC հեռուստաալիքի կողմից համատեղ անցկացված հարցման արդյունքների համաձայն՝ Օբամայի քաղաքականությանը հավանություն տվողների թիվն ընկել է՝ հունվարի 43 տոկոսից մարտին հասնելով 41 տոկոսի:
Հարցումը ցույց է տվել, որ Օբամայի քաղաքականությանը հավանություն չտված քաղաքացիների թիվը հասել է նրա նախագահության տարիների ընթացքում ռեկորդային մակարդակի՝ 54 տոկոս:
Պատասխանողների 65 տոկոսը հայտնել է, որ երկիրը գտնվում է սխալ ուղու վրա, մինչդեռ հակառակ կարծիքին է միայն 26 տոկոսը:
Հարցման մասնակիցների մոտ 1/3-ը կարծում է, որ ԱՄՆ տնտեսությունը կբարելավվի առաջիկա տարում, մինչդեռ 57 տոկոսը վստահ է, որ ԱՄՆ-ն դեռևս գտնվում է ռեցեսիայի մեջ:
