Այսօր՝ հունիսի 3-ին, Ազգային ժողովում շարունակվում են աշխատանքները: Այժմ քննարկվում է ԲՀԿ խմբակցության պատգամավոր Սերգեյ Բագրատյանի կողմից ներկայացված՝ Ազգային ժողովի պատգամավորի գործունեության և երաշխիքների մասին օրենքում փոփոխություն կատարելու մասին օրենքի նախագիծը 1-ին ընթերցմամբ ընդունելու մասին հարցը:
Ինչպես ներկայացրեց Սերգեյ Բագրատյանը՝ պատգամավորին պետք է պատասխանել հնգօրյա ժամկետում. «Կառավարությունը պետք է նպաստի օրենսդրի աշխատանքի արդյունավետությանը: Եթե հազարավոր քաղաքացիների նամակներին կարողանում են պատասխանել հնգօրյա ժամկետում, ապա 131 պատգամավորներին նույնպես կկարողանան»:
«Լուսավոր Հայաստան» խմբակցության ղեկավար Էդմոն Մարուքյանը, ի պատասխան Վլադիմիր Վարդանյանի ելույթի, հայտարարեց. «Եկեք մեր մասին խոսենք. ես տվյալ չունեմ, որ որևէ պատգամավոր իր անձնական շահերի համար հարցումներ է անում: Դրանով պետք չէ ստվեր գցել նման նախաձեռնությունների վրա»:
Էդմոն Մարուքյանի խոսքով՝ այս նախաձեռնությունը կարևոր է. «Ին տպավորությամբ՝ գործող ԱԺ կանոնակարգի նպատակն է պատգամավորին հնարավորինս դարձնել անատամ գործիք. ասենք՝ հարցում անի, մի ամիս սպասի»:
Նա համոզված է՝ այս կանոնակարգը և պատգամավորների իրավունքները պետք է վերանայել:
Մանրամասները՝ տեսանյութում:
