ՌԴ նախագահի մամլո քարտուղար Դմիտրի Պեսկովը հայտարարել է, որ պարտավորագրերի համաձայն՝ Սիրիայի Իդլիբ քաղաքում զինադադարի պատասխանատվությունը կրում է Թուրքիան՝ հաղորդում է RIA Novosti-ն:
Այսպես է նա մեկնաբանել Ռուսաստանի և Թուրքիայի ղեկավարներ Վլադիմիր Պուտինի և Ռեջեփ Թայիփ Էրդողանի միջև հեռախոսազրույցը, որի արդյունքում Մոսկվայի և Անկարայի ուղերձների ձևակերպման մեջ հակասություններ են առաջացել: Պեսկովը իր հերթին նշել է, որ Ռուսաստանը և Թուրքիան կողմ են Իդլիբում զինադադարի հաստատմանը:
«Եվ այստեղ, իհարկե, մենք պետք է հիշենք, որ տվյալ դեպքում, ըստ Սոչիում կնքված համաձայնագրերի, դա թուրքական կողմի պատասխանատվությունն է», – ասել է նա:
Նա նաև ընդգծել է այս հարցում թուրքական կողմի գործողությունների կարևորությունը, ինչպես նաև Ռուսաստանի և Թուրքիայի միջև համագործակցությունը հրադադարի ռեժիմի հարցում: