Պահպանողական կուսակցությունը ՀՀ գործադիր, օրենսդիր եւ դատական իշխանություններին՝ հունիսի 14-ին այցելել Բռնադատվածների հիշատակը հավերժացնող հուշահամալիր:
Կուսակցության հայտարարությունում ասվում է.
«Պահպանողական կուսակցությունը
– հիմք ընդունելով՝
• ԵԽԽՎ 1481 բանաձեւը,
• «Հայաստանի Հանրապետության տոների եվ հիշատակի օրերի մասին» Հայաստանի Հանրապետության օրենքում լրացում կատարելու մասին Հայաստանի Հանրապետության օրենքը,
• «Բռնադատվածների մասին» Հայաստանի Հանրապետության օրենքը,
– կարեւորելով՝
• միջազգային հանրության հետ համատեղ ուժերով մարդկության դեմ հանցագործությունների դատապարտմանը եւ կանխարգելմանն ուղղված ջանքերում հայ ժողովրդի ներդրումը,
• Հայաստանի հանրապետության՝ որպես քաղաքակիրթ աշխարհի հարազատ մաս զարգանալու տեսլականը,
– կոչ է անում
• ՀՀ գործադիր, օրենսդիր եւ դատական իշխանություններին՝ հունիսի 14-ին այցելել Բռնադատվածների հիշատակը հավերժացնող հուշահամալիր եւ հարգանքի տուրք մատուցել խորհրդային բռնազավթման տարիներին բռնադատված բազմամիլիոն անմեղ մարդկանց հիշատակին,
• ՀՀ քաղաքացիներին՝ Չարիքի կայսրության զոհերի հիշատակի ոգեկոչմամբ նոր իշխանություններին սատարել իրապես Ազատ եւ Անկախ պետականության ուղին համարձակորեն ընտրելու գործում: