ԵՄ հարևանության և ընդլայնման քաղաքականության հարցերով հանձնակատար Շտեֆան Ֆյուլեն հայտարարել է, որ Ասոցացման համաձայնագրի կյանքի կոչումից հետո Ուկրաինային ԵՄ-ի կողմից պետք է տրվի անդամակցության հեռանկար՝ համաձայն ԵՄ-ի մասին լիսաբոնյան պայմանագրի 49-րդ դրույթի: «Ինտերֆաքս Ուկրաինայի» փոխանցմամբ՝ նման հայտարարությամբ նա ելույթ է ունեցել Եվրախորհրդարանում երեկ երեկոյան:
Մասնավորապես Ֆյուլեն, դիմելով Եվրախորհրդարանին, հիշեցրել է, որ ԵՄ որոշ գործընկերներ, որոնց թվում է նաև Ուկրաինան, Հարևանության արևելյան քաղաքականության շրջանակում հստակ սահմանել են իրենց եվրոպական ձգտումները:
Հիշեցնենք, որ Ուկրաինայի ԱԳՆ-ում դիտարկում են Ասոցացման համաձայնագրի քաղաքական մասը մարտի 17-21-ը ստորագրելու հնարավորությունը: Ինչ վերաբերում է ԵՄ-ի հետ ազատ առևտրի գոտուն, ապա համաձայնագրի այդ մասը կստորագրվի նախագահական ընտրություններից հետո:
