Մեծ Բրիտանիայի բնակիչն ուղևորվում էր Իտալիա, որպեսզի տեսներ Հռոմի Պապին: Սակայն նա նավիգատորում սխալ էր գրել «Հռոմ» բառը, ինչի արդյունքում հայտնվել էր Գերմանիայում, հաղորդում է Daily Mail-ը:
Գերմանիայի ոստիկանության տվյալներով, Նյուքասլում բնակվող 81-ամյա իտալացին նավիգատոր Rome-ի փոխարեն Rom է մուտքագրել և արդյունքում հայտնվել Իտալիայի մայրաքաղաքից 1440 կմ հեռավորության վրա գտնվող գերմանական Հյուսիսային Ռեյն-Վեսթֆալիա երկրամասում գտնվող Ռոմ ոչ մեծ բնակավայրում:
Երբ նավիգատորը տղամարդուն ցույց է տվել, որ ուղևորությունն ավարտվել է, նա դուրս է եկել տարածքը դիտելու և մոռացել է իր Jaguar-ը ձեռքի արգելակի վրա դնել, ինչի հետևանքով մեքենան բախվել է բնակավայրի անվանումով սյանը:
Դրանից հետո նրան նկատել են ոստիկանները և պարզել միջադեպի մանրամասները:
Չնայած իրավիճակին, Նյուքասլի բնակիչն ուղևորվել է Հռոմ, նշելով, որ ընդամենը մի քանի ժամ է ետ մնացել գրաֆիկից:
