ԱԺ ՀԱԿ խմբակցության անդամ Լյուդմիլա Սարգսյանը չի մասնակցելու այսօր կայանալիք ԲՀԿ-ՀԱԿ պատվիրակության հանդիպմանը:
Հանդիպման առիթով «Ժողովուրդ»-ը Լյուդմիլա Սարգսյանից հետաքրքրվեց.
-Ինչո՞ւ է Ծառուկյանի հետ հանդիպման անհրաժեշտություն առաջացել:
-Եթե մենակ չի ստացվում, ուրեմն պետք է փնտրել դաշնակիցներ, տվյալ դեպքում մենք ԱԺ-ում ունենք համագործակցություն ԲՀԿ-ի հետ: Մեզ համար առաջնայինը միշտ եղել է նախագահի հրաժարականը, բայց քանի որ մեր գործընկերները փուլային տարբերակով են տեսնում ամբողջական իշխանափոխությունը մենք ընդառաջ ենք գնում:
-Ընդդիմությունը նախկինում հայտարարում էր՝ ոչ դոդացմանը-ռոբերտացմանը- սերժացմանը, ինչպե՞ս ստացվեց, որ այժմ միայն մնացել է վերջին՝ ոչ սերժացման տարբերակը:
-Ուրեմն նախ ասեմ, որ ՀԱԿ-ը շատ ճկուն քաղաքական միավոր է ու քաղաքականության մեջ չկան հավերժ թշնամիներ ու բարեկամներ: Եթե թշնամուդ թշնամին դառնում է քո բարեկամը՝ դա արդեն արդյունք է, ու չօգտագործել այդ հնարավորությունը, եթե չկա այլ հնարավորություն՝ ավելի վատ է:
Մանրամասները՝ թերթի այսօրվա համարում։
