«Ալ-Քաիդա» ահաբեկչական կազմակերպությունը հաղորդել է անգլերեն առցանց ամսագիր թողարկելու մտադրության մասին, որը նվիրված կլինի ահաբեկչությանը: Ինչպես հաղորդում է NBC հեռուստաալիքը՝ վկայակոչելով համացանցում կազմակերպության ներկայացուցիչների տարածած տեսանյութը, ամսագիրը կկոչվի «Վերածնունդ»:
Եթե նոր առցանց ամսագրի նախագիծը գործարկվի, այն կդառնա առաջին անգլերեն պարբերականը, որը թողարկում է «Ալ-Սահաբ» ահաբեկչական խմբավորման կենտրոնական մասնաճյուղը:
Կարճ տեսանյութում օգտագործվել է աֆրոամերիկացի իսլամական հոգևոր առաջնորդ Մալքոլմ Իսկի ելույթը, ով արդարացնում է բռնության կիրառումն «անհավատների» դեմ պայքարի նպատակներով: Բացի այդ, տեսաձայնագրությունում օգտագործվել են ամերիկացի զինծառայողների և իսլամիստ գրոհայինների լուսանկարներ, որոնք հարձակումներ են իրագործել Աֆղանստանում ԱՄՆ ռազմաբազայի վրա, ինչպես նաև լուսանկարներ, որոնք արվել են Բոստոնի մարաթոնի ժամանակ:
